fol. 118r (cont.)I
Passus secundus de visione · Hm.2.0: Though not legible, something, perhaps guide words for the heading, has been scraped and cropped in the right margin. Or perhaps the vellum is merely rough, for no ink shows with ultraviolet light.
Ȝyt y courbede on my knes  and cryede here of grace ·
and seide mercy madame  for mary loue of heuene
that bare that blysfull barn  that boughte vs on the rode
kenne me by sum crafte  to knowe the false ·
loke vpon thi lyfthalflyft half  and loo where he standeth
boþe fals and fauel  and here ferys manye
y loked on my lefthalfleft half  as the lady me tauȝte ·
fol. 118vI
and was ware of a womman  wurthily clothed
purfyled wyth pelure  the fynest vpon erthe
crowned wyth a crowne of golde  the kyng hath non bettre
Fetysly hure fyngres weren Hm.2.11: The Hm scribe, like the scribes of MO, has misplaced the caesura that should have followed fyngres. Frettyd wyth wyre
and ther-on rede rubyes  all-so rede as eny glede
and a dyamand of derrest pris  and duble manere saphires
oryentals and ewers  envenymes to destruye
her robe was full ryche  of rede scarlet Engrenyd ·
wyth rybane of rede golde  and of ryche stones
here aray me rauaschide  suche rycchesse sawhe y neuere
y hadde wondyr that sche was  and whos wyfe it were
What ys this womman quod y  so wurthily atyryd
that ys meede the mayde quod sche  haþ noyed me full ofte
and y-lacked my lemman  that leau.te ys hoten
and bylowen hire to lordes  that lawes han to kepe
In the popys paleys  sche ys priue as my-selue
but sothnesse so wolde nat so  for sche ys a bastard
for fals was hure fadur  that hath a fykel tonge
and neuer sothe seide  sytthen he come an erthe
and mede ys manerd aftyr hym  ryȝt as kynde asketh
Qualis pater talis filius  bona arbor bonum fructum facit ·
y auȝt ben herrer than sche  y kam of a betre
my fadyr the grete god ys  and ground of alle .....grace
o god wyth-outen gynnyng  and y his good doughter
and haþ ȝouen me mercy  to mary wyth my-selue
and what man be mercyfull  and lely me loueþ
schall be my lord and y his leef  in the hyȝe heuene
and what man taketh mede  myn...?...?... hed dar y legge
þat he schall lese for her loue  a lappe of his caritatis
howe construeth Dauid the kyng  of men that taketh mede
and men of this molde  that mantayneth trewthe
and howe ȝe schulle saue ȝowsylue  the Sauter bereþ wytnesse
Domine quis habitaubit in tabernaculo tuo ·
and nowe wurth this mede y-maryed  vnto amaseda mased scherewe
to on fals fykel tong  a feendes byȝete
fauel thurgh his fals speche  full thyk hath folk enchaunted
and all ys lyers ledynge  that sche ys thus y-wedded
to-morowe wurth y-maad  that maydens maryage
and there myȝt thu wytyn if thu wylt  whiche þey ben all
þat longen to that lordschipe  the lasse and the more ·
fol. 119rI
knowenknow[e]Hm.2.48: The error is probably caused by attraction to longen in the preceding line. hem there if thu kanst  and kepe thu thi tonge
and lakke hem noȝt but late hem wurthe  tyl leautleaut[e] were here Iustyce
and haue power to punsche hem  than put forthe thi resoun
nowe y bykenne the cryst quod sche  and his dere moder
and late no conscience combre the  for couetyse of mede
thus mede that lady  lyggen and slepe
and mede was y-maryed  in metelles me thouȝt
...?...þat al þe riche   retenaunce  that regneth wyth fals
were boden to the brydale  on bothe two sydes
of alle manere of men  the mene and the ryche
to marye this maiden  was many man assembled
as of knyȝtes and of clerkes  and other comune peple
and sisours and sumnors  and scherreves and her clerkys
bedelys and baylifis  and procures of chaffare
forgoers and vytaylers  and voketys of the arches ·
y kan nouȝt rekne the route  that ran aboute meede
ac symony and Cyuyle  and cisours of contres ·
weren most pryuey wyth mede  .of any men me thought
ac fauel was the fyrst  that fette her outHm.2.66: An otiose mark appears above the <o>. of boure
and as a .brocour brought here  to be to fals Iunyd
Whan symony and Cyuyle  syȝen her bothe wylle
thei assentide for syluer  to seye as bothe wolde
than lepe lyȝere foorth  and seide lo here a charter
that gyle wyth his grete othes  ȝaf hem to-gydre
and prayed Cyuyle to see  and symony to rede it
than Symony and Cyuyle  stonden forthe bothe
and vnfoldeden that Feffement  that fals hadde maked ·
and thus bygynnen thes gomes  to gedren full hye
Sciant presentes & futuri · & cetera ·
Wyteþ and wytnesseth  that wonyeth on this erthe
that mede ys maryed  more for here goodes
than for eny vertue of fayrnesse  for any fre kynde
falsnesse ys fayn of here  for he wote her ryche
and fauel wyth his fykyl speche  Feffeth by this chartur
to be princes in pryde  and pouerte to despyse
to bagbyten and to bosten  and to bere fals wytnesse
to scorne and to scolde  and sclaundyr to make
vnbuxum and bolde  to breke the ten hestes
and the erldam of envye  and wratthe to-gyders
wyth the chastelet of cheste  and chatryng out of resoun ·
fol. 119vI
the comyte of couetyse  and alle costes aboute
that yy[s] vsure and auaryce  alle y hem graunted
in bargayne and brocage  wyth all the burgh of thefte
and all the lordschipe of lecchery  in lenghþe and in brede
In werkes and in wordes  and in waytyng of yȝen
in wedes and in wyschynges  and in ydell thouȝtys
there as wyl wolde  and werkmanschipe fayleth
glotany he ȝaf hem eke  at dyuerse tauernesHm.2.95: Hm, probably due to eye skip from and in the b-verse of KD.2.93 to at in the b-verse of KD.2.94, uniquely runs these two lines together, thus omitting the b-verse of KD.2.93 and the a-verse of KD.2.94, which read: and grete othes togydere | And alday to drynke.
and ther to iangle and iape  and Iuge her ...emcristeneHm.2.96: Initial <e> and <m> are written over an erasure of three characters, possibly reflecting original eue(ne), the reading of all other B witnesses.
and on fastynge-dayes to frete  er ful tyme were
and than to sytten and soupen  tyl slepe hem assaile ·
and breden a burgh swyn  and bedden hem esely
tyl slewthe and slepe  slyken her sydes
and than wanhope to awake hem so  wyth no wyl to amende
for thei leuen to be loste  this ys her laste ende
and thei to haue and to holde  and her eyres after
a dwellyng wyth the deuel  and dampned be for euere
wyth alle the purtynaunce of purgatory  in-to the pyt of helle
ȝeldyng this thyng  at oo ȝeres ende ·
her soules to sathanasHm.2.107: HmH have the A form sathanas against sathan in all other B manuscripts.  to suffre wyth hym peynes
and wyth hym to wonye wyth wo  while god ys in heuene
in wytnesse of whiche thyng  wrong was the furste
and pers the pardener  of paulyns doctrine
bette the bedule  of bokyngham-schire
Reynald the Reue  of rutlond sokene
MmundeHm.2.113: A lower case <m> appears to have been written over initial <M>, though the priority of forms is difficult to determine. the mellere  and many mo othere
in date of the deuel  this dede ys aseled
by syȝt of syre Symony  and Cyuyle leue
thanne tened hym theology  whan he this tale herde
and seide to Cyuyle  Sorowe moste thu haueHm.2.117: The following line, here in the spelling of L, is omitted in Hm: Such weddynges to worche to wratthe with treuthe.
and er this weddyng be wrouȝt  woo the be-tyde
For mede ys a Mulier  of amendys .engendred
and god graunteþ to gyve  mede to trewthe
and thu haste ȝouen her to agyloura gylour  nowe god ȝyue the sorowe
þy tyxt telleth me nouȝt. so · trewthe wote the Sothe
for dignus est operarius  his hire to haue
and thu hast fastned her to fals  fy on thi lawe
for all by lesynges thu leuest  and lecherouse werkes
Symony and thi-self  schend..en holy cherche
the notaryes and ȝee  anoyȝeth the peple ·
fol. 120rI
ȝe schull a-biggen it bothe  by god that me made
Well ȝe wyten wernardys  but yf ȝour wytt faile
that fals ys feythles  and fykell of werkes
and was a bastard y-bore  of belsabub his kenne
and mede mulier  a mayden of goode
sche myȝt kusse the kyng for cosyn  yf that sche wolde
forþy wurcheth by wysdam  and by wyt al-so
and ledyth her to londoun  there it is y-schewed
if eny lawe wole loke  that thei lygge to-gyders
and thouȝ iustices iugen. here · be ......eiuyned to fals
ȝit be war of weddyng  for wytty ys treuþe
and conscience ys of his conseyl  and knoweth ȝowe echone
and if he fynde ȝowe in defaute  and wyth fals holde
it schall by-sytte ȝour soulys  full soure at the laste ·
here-to assenteþ Cyuyle  and symony ne wolde
...?...tyl he hadde siluer for his seruyse  and all-so the notaryes
than fette fauell forth  floreynes y-nowe
and bad gyle go gyve  golde all a-boute
and namly to the notaryes  that thei nouȝt fayle
and fastne fals wytnes  wyth floreynes y-nowe
for thei may mede maystren  and maken at her wylle
tho this gold was gyue  grete wyth was that thonkyng
to fals and fauell  for her fayr gyftes
and comen to comforte  fram care the fals ·
and seiden certys sere  cessen schull we neuere
tyl mede be thi wedded wyfe  . thorowh wyttes of vs alle
for we han mede y-maystryed  wyth our mery speche
that sche graunteþ to gon  wyth good wylle
to londoun to .loken  if the lawe wolde
iuge ȝowe iuyntly  in ioyȝe for euere
than was fals fayn  and fauel all-so blyue
and lete sumneHm.2.159: Sumne, "summon." alle segges  in schires aboute
and bad hem alle be boun  beggers and ellis
to wende wyth hem to westmester  to wytnesse this dede
and than cared thei for caples  to caryen hem thider
and fauel fett forth than  foles y-nowe
and sette mede vpon a scherrefe  schod all newe
and fals sate on a Cysour  that softyly trottede
and fauel on a flaterere  fetysly atyred
tho hadden notaryes none  a-noyȝed thei were ·
fol. 120vI
for symony and Cyuyle  schulden on her feet gon ·
and than swore symony  ...?...?...and cyuyle bothe
that sumnors schulde be sadelyd  and seruen hem echone
and lete apparayle thes prouysours  in palfreys wyse
syre symony hym-sylf  schall sytten vpon her bakkes
denes and subdenes  drawe ȝe to-gyderes
erchedeknes and officials  and alle ȝour regestres
and late sadele hem wyth syluer  our synne to suffre
as voutrye and vorsers  and derne vsure
to bere buschopys aboute  a-brode in vysitacyouns
paulynes prynces for playntys in consistorie
schullen serue my-sylf  that Cyuyle ys nempned
and cartsadele the comyssare  our cart schall he lede
and fecchen vs vytaylys  at fornicatours
and makeþ of lyere a long cart  to leden all thes othere
as freres and faitours  that on her feet rennys
and thus fals and fauel  fareth forþ to-gyders
and mede in the myddes  and all these men aftyr
I haue no tome to telle  the tayle that hem folowythHm.2.186: Cr1WHmG omit a line found in the other B manuscripts, given here in the reading of L: Of many maner man þat on þis molde libbeth. This could have been caused by eye skip from the last three letters of KD.2.186 to KD.2.187: eth.
ac gyle was forgoer  and gylyd hem alle
soþnesse hym wel  and seide but a lytyl
and pryked his palfray  and passed hem alle
and come to the kynges court  and conscyence it tolde
and conscience to the kyng  carpede it after
nowe by cryst quod the kyng  and y kacche myȝte
fals er fauel  or eny of his ferys ·
y wolde be wroken on tho wrecchis  that werken so ille
and done hem hange by the hals  and alle that hem maynteyneth
schall neuer man vpon molde  manpryse the leste ·
but ryȝt as the lawe wole loke  late falle on hem alle
and comaundede a constable  that kam at the firste
to tache tho tyrauntys  for eny thyng y hote
and fretteth fast fals  for eny kyn ȝiftes
and girde of gylys hede  and leteth hym go no ferther
and if ȝe klacchen lyere  leteth hym not askapen
er he be put on the pylory  for eny prayer y hote
and bryngeþ mede to me  maugre hem alle
drede at the dore stod  and the dome herde
howe the kyng comaunded  constables and sergeantes
fals and his felaschipe  to fetren and bynde
fol. 121rI
Thanne drede wente wyghtly · and warnede falsHm.2.208: A modern hand has added "Fragment begins here," indicating where Hm2 starts. The same hand also marked this leaf as "9th" in accord with his note on 96r in Hm2, which directs the reader to the corresponding text here on Hm's 9th leaf. Hand2 begins here and continues throughout the text of Hm. See Thorlac Turville-Petre, "Putting it Right: The Corrections of Huntington Library MS Hm 128 and BL Additional MS 35287," The Yearbook of Langland Studies 16 (2002): 43-51.
And bad hym fle for fere · and his felawes alle
Fals for fereHm.2.210: Note that þanne appears as an addition above the line in M. · fley. to the freres
and gyle dooþ hym forto go  agaste forto deye
ac marchauntes metten wyth hym  and maden hym abyde
And byschetten hym in here schoppes · to schewen here ware
Apparayleden hym as apprentys · the peple to serue
Full lyghtly lyere tho · lepe awey thanne
Lurkynge thorough lanes · lugged of manye
he was nawhare welcome · for his manye tales
Oueral y-hunted · ...& yhote trusse
Tyl pardeners hadden pyte · and pulled hym to house
They wuschen hym and wypten hym · and wounden hym in clothes
And senten hym wyth seles · on sonendayes to cherche
And ȝaf. pardoun for pans · pounde-mele aboute
Thanne loureden leches · and lettres they sente
That he schulde wonye wyth hem · watres to loke
Spycers spooken wyth hym · to aspyen here ware
For he coude ..on here crafte · and knewe manye gommes ·
Ac menstrals and messageres metten wyth hym ones
And helden hym an halfe ȝere and enleuene dayes
Freres wyth here fayre speche · fecched hym thennes
and for knowynge of comers · copeden hym as a frere ·
Ac he hath leue to lepen oute · as ofte as hym lyketh ·
And is welcome whanne he woll · and woneth wyth hym ofte ·
Alle fledden for fere · and flowen into hernes
Saue mede the mayden · nomo dursten abyde
Ac trewly to telle · sche trembled for drede
And wepte and wronge · whan sche was attached