fol. 121r (cont.)I
Passus tercius de visione ·
NOwe is mede the mayde · and nomo of hem alle
wyth Bedelles and wyth ..baylyfs · brougth bifore the kynge
The kynge callede a clerke · ne can y nougth his name
To take mede the mayde · and make here at ese
I schall assaye here my-selfe  and so...þli appose
what man vpon molde · that here were leueste
And ȝif sȝeHm.3.7: Hm uniquely has the unusual form sȝe against she in most B manuscripts. wurche by wytte. and my wyll folowe
y wol forȝyue hyre this gylt. . so me god helpe
Curteysly the clerke thanne · as the kynge hyȝte
Tooke mede by the myddel · and brougth hire into chambre
fol. 121vI
And there was merthe and menstralsye Hm.3.11-14: The punctus elevatus in this and the following three lines has a horizontal bar between the bottom and top parts. mede to plese
They that wonen in westmynstre  wurschipeden here alle
Gentylyche wyth ioye  the iustyces somme ·
buskeden hem to the boure  there the burde dwellede
To conforten hire kyndely · by clergyes leue
and seyden moorne thu nougth · ne make thu no sorowe
for we woll wysse the kynge · and thy weye schape
to be wedded at thy wylle · and where the leef lyketh ·
for all consciences caste · or crafte as y trowe
Myldely mede thanne · me...?...rcyde hem    alle
of here grete goodnesse · and gafe hem echone
coupes of clene golde . and cuppes of seluer ·
rynges wyth rubies · and rycchesses manye ·
the leste man of here meyne · a motoun of golde ·
thanne laught they leue · these lordes at mede ·
Wyth that comen clerkes · and conforteden þe same
and beden hire be blythe · for we beth thyn owne
forto wurche thy wylle · the while thy lyfeHm.3.28: HmHm2 alone read thy lyfe against þow myȝte in most B manuscripts. The reading is taken from the A version which has a T-type line. lasteth
Hendely sche thanne · byhigth hem the same
to louen hem lely · and lordes to make
and in the concystorye at courte . do callen her names
schall no lewednesse lette · the lede that y louye
that he ne wurth ferste auaunced · for y am by-knowen
there connynge clerkes · schull clokke byhynde
Thanne come there a confessoure · coped as ....a frere
to mede the mayden · he menedeHm.3.36: The word could be either menede or meuede. these woordes
and seyde full softly · in schryfte as were
though lewed men and lered · hadden leye by the bothe
And fals hadde fowled the · all this fyfty wynter
y schall assoyle the my-selfe . for a seem of whete
and be thy bedeman · and bere well thy message
amonge knyghtes and clerkes · conscience to turne
Thanne mede for here mysdedes · to that man knelede
and schorfesch[ro]fe here of here schrewdnesse · schameles y trowe
tolde hym a tale · and toke hym a noble
forto ben here bedeman · and here brocour al...sse
Thanne he soyled here sone · and seþþen he seyde
we haue a wyndowe in werchinge · woll sytten vs fulhiȝeful hiȝe
woldest þu glase that gable · and graue þerynne þyn name
ful syker schulde þy soule be · heuene to haue
fol. 122rI
Wyste y that quod that womman · y wolde nougth spare
forto be ȝoure frende frere · and fayle ȝowe neuere
while ȝe loue lordes · that lecchery hauntyn
and lakken nougth ladyes · that louen wel the same
yt ys a frealte of flesch · ȝe fynden yt in bookes ·
A comyn cours of kynde · where-of we comyn alle
who may scapen that sclawndre · the scathe ys sone amended
yt ys a synne of the seuene · sonnest relessed
God haue mercy quod mede · on men that yt hauntyn
and y schal couer ȝoure cherche · ȝoure cloyster make
and ȝoure wowes whyten · and wyndowes glasyn
do paynte and portraye · and paye for the makynge
that euery segge schal seye · y am suster of ȝoure hous ·
..But god to alle good folke · suche grauynge deffendith
to wryten in wyndowes · of here wel-dedys ·
yn aduenture pryde be peynted þere · and pompe of the worlde
for cryste knoweth thi conscyence · and þy kynde wylle
and þy coste and thy couetyse · and who the catel ...?...owghte ·
For-þy y lere ȝow lordes · leueþ suche werkes
to wryten in wyndowes · of ȝoure wel-dedys ·
or to gredyn after goddes men · whan ȝe delen doles
yn aduenture ȝe haue ȝoure huyre here · and ȝoure heuene alsHm.3.72: A modern librarian has written "- fragment ends here." in the right margin, referring to Hm2, which ends after the following Latin line.
Nesciat sinistra manus  quid faciat dextra ·
late nougth thy lefte halfe · late ne rathe ·
wyete what thu werchest · wyth thy rygth syde ·
for thus byddeþ the gospel · good men done here alm....esse ·
Meyres and m......ercers · that menes ben bytwene
the kynge and the comune · to kepe the lawes
to punysche on pyloryes · and pynynge stoles
brewesters and baksters · bochers and cokes
for þese arne men of this molde · that moste harme wurcheth
to the poore peple · that parcelmel beggenHm.3.82: HmG read beggen to other B witnesses' buggen. Hm omits the following two lines because of eye-skip:
For they poysoun þe peple priueliche and oft
Thei rychen þorw regraterye and rentes hem buggen
wyth that the poore peple · schulde putten in here wombe
for tooke they on treuly · they tymbred nougth so hye
ne bouhten no burgages · be ȝe full certayn
Ac mede the mayde · the meyre haþ bysougth
of alle suche sullers · suluer to take
or presentes wyth-outen pans · or peces of seluer
rynges or other rycchesse · the regratours to ma......nteyne
For my loue quod that lady · loue hem echone ·
fol. 122vI
and suffre hem to selle · somdel aȝen reson
Salamon the sage a sarmoun he made
forto amende m.eyres · and men that kepen lawes
and tolde hem this teme · that y telle thenke
Ignis deuorabit tabernacula eorum · qui libenter accipiunt munera ·
Amonge these lettred ledes · this latyn ys to mene
that fuyr schall falle · and brenne al to blo askes
the houses and homes · of hem that desyreth
ȝyftes or ȝeres-ȝyftys · by-caus.e of here offyces
The kynge fro the conseyl came · and called after mede
and of-sente hire also blythe · wyth sergeauntes manye
that brougth here to boure · wyth blysse and ...wiþ ioye
Curteysly the kynge thanne · comsed to telle
to mede the mayden · and menethHm.3.104: Hm's reading is clearly related to W's he meneþ and H's menyd. these woordes
vnwyttyly womman · wrougth haste thu ofte
ac wrouhtest thu neuere wurse · than whan thu fals tooke
but y furȝyue the that gylte · and graunte m.y grace
hennys to thy deth-day · do so namore
Y haue a knygth conscyence · came late from byȝonde
ȝif he wylneth the to wyue · wylt. thu hym haue
Ȝe lord quod the lady · lorde furbede yt elles
but y be holly atte ȝoure heste · late hange me sone
And thanne was conscyence called · to come and appere
byfore the kynge and his conseyl · as clerkes and othre
knelynge to the kynge · conscyence lowtede
to wyten what his wylle were · and what he do schulde
Wolte wedde this womman quod the kynge · if sche woll assente
for sche is fayn of þy felauschipe · forto be thi make
Quod conscyence to the kynge · cryste yt furbede
ere y wedde suche a wyf · wo me bytyde
for sche is frele of here ....feyþ · and fykel of hure speche
and makeþ men mysdo · many score tyme
truste of hure tresoure · trayeþ full manye
Wyues and wydewes · wantownesse sche techeþ
and lereþ hem lechery · that louen here ȝiftes ·
ȝoure fader sche felde · thorough fals byheste
and haþ puysound popes · and appeyredHm.3.127: Hm and alpha read appeyred/appayreth against the apheretic form peired in most B manuscripts. holy cherche
ys naugth a bettre bawde · by hym that me made
bytwene heuene and helle · in erthe thouh men sougth ·
for sche is tykel of here tayl . tale-wys of here tunge
fol. 123rI
As comune as carteway · to echeHm.3.131: The ascender of the <h> has been flourished. knaue that walketh
to monkes to menstralles · to meselles in hegges
Sysours and somnours · suche men hure preyseth
Scherreues and schyres · were schent if sche ne were
for sche dooþ men lese here londe · and here lyfe bothe
sche lateth passe prysoners · and for hem ofte payeth
and ȝyueþ the gaylers golde · and grotes to-gydres
...?...& vnfetreþ fals · to flee where hym lyketh
and taketh þe trewe by the top · and tyeth hym faste
and hangeth hym for haterede · that harme dede neuere
To be cursyd in concystorye · sche counteþ nougth a bene
for sche copeþ the commissarye · and coteth his clerkes
sche ys asoyled also sone · as here-selfe lyketh
and may almost also muche do · in a moneth ones
as ȝoure secrete seal · in syxe score dayes ·
for sche is pryue wyth the pope · prouysours yt knoweth
for syre symony and here-selfe · selen the bulles
Sche blesseþ these buschopes · thouwh they seme lewed
prouendreth parsouns · and preestes manteyneth
to haue lemmans and lotobyes · all here lyfe-dayes ·
and bryngeth foorth barns · aȝen forbode lawes
there sche is wel wyth the kynge · wo ys that rewme
for sche is fauourable to fals · and fouleþ trewthe ofte
By ihesu wyth hure iewelles · ȝoure yustyces ofte sche schendeth
and lyeþ aȝen the lawe · and letteþ hym the gate
that feyth may nougth haue his foorþ · hure floreyns gone so þykke
sche ledeth the lawe as hure leste · and louedayes maketh ·
and dooth men lese for hure loueHm.3.158: Kane and Donaldson took the scribe to have written iloue, with <il> smudged. There is damage or a stain, but the reading is clearly loue. · that lawe mygth wynne
the mase for a mene man · þouȝ. he mote hure euere
lawe ys so lordlyche · and loth to make ende
wyth-oute presentes or pans · sche pleseth wel fewe ·
Barouns & burgeys · sche bryngeþ in sorowe
and al the comune in care · that lyue wolde in trewthe
for clergyse and couetyse · sche cowpleþ to-gydres
that is þe lyfe of þat lady · lorde · ȝyue hure sorowe
and alle that ma......ynteyne here men · schame hem bytyde
for poore men mowe haue · no power hem to pleyneHm.3.167: Hm divides the line here, creating a new line to follow and thus demanding the creation of a b-verse for the newly made line. Hm.3.168 takes what may have been the last three words of its exemplar's 167 tyl þey sore smerte and fills the line out with the bland, unalliterating and lowe a-downe falle. ·
tyl þey sore smerte · and lowe a-downe falle
suche a mayster is mede · a-monge men of goode
Thanne mornyd mede · and menyd hure to the kynge
fol. 123vI
to haue space to speke · spede ȝif sȝe mygthe
The kynge grauntyd hure grace · wyth a good wylle
excuse the ȝif þu canste · y can namore segge
for conscyence acuseþ the · to congeye the for-euere
Nay lorde quod that lady · leueþ hym the wurse
whan ȝe wyten wytterly · where þe wronge lyggeþ
there the myschefe is grete mede may helpe
and thu knowest conscyence · y came nougth to chyde
ne to praue thy persone · wyth a proude herte
wel thu woste wernard · but ȝif thu wolte gabbe
thu haste hangyd on myn hals · enleue tymes ·
and also gryped my golde . ȝyue yt where the lyked
and why wratthest the nowe . wondre me thynkeþ
ȝit y may as y mygthe · menske the wyth ȝiftes
and mant....eyne thy manhode · more than thu knowest
Ac thu haste defamed me foule · byfore the kynge here
for kyllyd y neuere kynge . ne counseyled therto
ne dude as thu nowe demeste · y do yt on the kynge ·
In normandy nas he nougth · noyhed for my sake
ac thu thy-selfe soþly · schamedest hym ofte
crope in a caban · for colde on thy nayles
wendeste that wynter · wolde haue laste euere ·
and dreddest to haue be dede . for a dym clowde
and hyedest homward · for hungur of thyn wombe
Wyþ-outyn pyte pylour · poore men thu robbe....dest
and borere here bras at thy bakke · to caleys to sylle
there y lafte wyth my lorde · his lyfe forto saue
y made his men murye · and mornynge lette
y batred hem on the bakke · and bolded here hertes
and dede hem hoppe for hope · to haue me atte wylle
hadde y ben mareschal of his men · by marye of heuene ·
y durste haue leyde my lyfe · and no lasse wedde
he schulde haue ben lorde of that londe · in lengþe and in brede
and also kynge of that kyth · his kynrede to helpe
the leste brolle of his blood · a barouns pere
Cowardly thu conscyence · conseyledest hym thennys
to leuyn his lordschipe · for a lytyl seluer ·
that ys the ryccheste rewme · that reyn ouerhoueth ·
yt bycomyþ to a kynge · that kepeth a rewme
to ȝyue mede to men · that mekely hym serueth ·
fol. 124rI
to alyens and to alle men · to honoure hem wyth ȝyftes ·
mede maketh hym bylouyd · and for a man holdyn ·
Emperoures and kynges /Hm.3.213: The virgule metacharacter replacing the punctus elevatus was inserted after <s> was added to kynge by hand3. and alle manere lordes
for ȝyftes haue ȝonge men · to renne and to ryde
the pope and andand alle his prelates · presentes vndyrfongyn
and meden men hem-selfe · to ma......yntene here lawe
sergeauntes for her seruyce · we seen wel the sothe
taken mede of here maystres · as they mowen acorde
beggers for here byddynge · asken men mede
menstralles for here merthes · mede they asken
the kynge hath mede of his men · to make pes in londe
men that techen chyldren · crauen of hem mede
prestes that prechen the peple · of god asken mede
and massepans and here mete · atte the mele-tyme
alkyn crafty men · crauen mede for here prentys
marchauntes and mede · mote nede go to-gydres
no wygth as y wene · wyth-oute mede may lybbe
Quod the kynge to conscyence · by cryste as me thynketh
mede is wel wurthy · the maystrye to haue
Nay quod conscyence to the kynge · and kneled · to the erthe ·
there are two manere of medes · my lorde wyth ȝowre leue
that on god of his grace · graunteth in his blys
to tho that wel werkyn · while that they ben here
the prophete precheth ...eþerof · and putte yt in the sawter ·
Quis habitabit in tabernaculo tuo · &cetera ·
Lorde who schall wonye in thy wones · ... wyth thyn holy seyntes
or resten in thyn holy hul · this asketh dauid ·
and dauid assoyleth it hym-selue · as the sauter telleth
Qui ingreditourHm.3.239: The dot above the first <i> is unusually elaborate, almost an <s>. sine macula & operatur iusticiam &cetera ·
Tho that entren of one colour · and of one wylle
and haue wrougth werkes · wyth rygth and resoun ·
and he that vseth nougth · the lyfe of vsure
and enformeþ poore men · and pursueth trewthe ·
Qui pecuniam suam non dedit ad vsuram & munera super innocentem non accepit ·
And alle that helpen the innocente · and holdyn wyth the rygthful
wyth-outen mede dooth hem good · and the trewthe helpeth ·
suche manere men my lorde · schull haue the ferste mede
of god atte here grete nede · whan they gon hennys ·
There is an nothur mede mesurles · that maystres desyreth ·
to maynteyne mysdoers · mede they take ·
fol. 124vI
and there seyth the sawter · in a psalmes ende
In quorum manibus iniquitates sunt dextra eorum repleta est muneribus · &cetera
And he that grypeth hure golde · so me god helpe
schall abuyen yt b.yttre · or the booke lyeth ·
prestes and parsouns · that plesynge desyreth
that take mede or moneye · for messes that they synge
take here mede here · as mathewe vs telleth ·
Amen amen ...?...?...dico vobis receperunt mercedem suam ·
That laborers and lewed folke taken of here maystres
yt is no manere of mede · but a mesurable huyre
In marchaundyse ys no mede · y may it wel a-vowe
yt is a permutacyoun apertly · a peny for an nother
ac reddest thu neuere · regum · thu recrayede mede
why the vengeaunce fel on saul · and on his chyldren
god sente to saul · by samuel the prophete
to agag of amaleke and al his peple aftyr ·
schulde deyen for a dede · that done hadde here eldres
For-thy seyde samuel to saul · god hym-selfe hoteth
the to be buxum at his byddynge · his wyll to fulfulle
wende to Amalek wyth thyn oste · and al that thu fyndest sle
burwes and bestes · brenne hem to dethe
wydewes and wyues · wommen and chyldren
mebles ...& vnmebles · and al that thu mygth fynde
brenne yt bere yt nougth a-way · be yt neuere so ryche
for mede nor for moneye · loke thu destruye yt ·
spylle yt spare yt nougth · thu schalt spede the bettre
And for he coueytede the catel · and the kynge sparede
forbare hym and his bestes bothe · as the byble wytnesseth
oþerwyse than he was warnyd · of the prophete
god seyde to samuel · that saul · schulde dye ·
and alle his seed for that synne · schendfullyche endede
suche a myschefe mede made · saul the kynge to ....haue
that god hated hym for euere · and alle his eyres after
The culorum of this caas · kepe y nougth to telle
yn aduenture yt noyȝed men  none ende woll y make
for so is this worlde wente · wyth hem that hauen powere ·
that who-so seye hym here sothes · ys sonnyste y-blamyd
I conscyence knowe this · for kynde · wytte me yt taughte
that reson schal regne · and rewmes gouerne
and rygth as agag hadde · happe schulle summe ·
fol. 125rI
samuel schall sle hym · and saul schal be blamyd
and dauid schall be dyademyd · and dawntyn hem alle
and one crystene kynge · kepyn hem alle
Schal namore mede be mayster · as sche ys nouthe
ac loue and lownesse · and leauute to-gydre
these schulle be maystres · on molde · trewthe to saue
and who trespaceþ aȝen treuthe · or takeþ aȝen his wylle
leaute schal done hym lawe · and no lyfe elles ·
schall none sergeaunte for here seruyce · were a selken howue ·
ne no pelure in his clooth · for pledynge atte barre
mede of mysdoers · maketh manye lordes ·
and ouer lordes lawes · rewleþ the rewmes
Ac kynde loue schal come ȝette · and conscyence to-gydres
and make of the lawe a laborer · suche loue schal aryse
and suche a pes amonge the peple · and a parfyte trewþe
that iewes schul wene in here wytte · and wexen glade
that moyses or messyas · be comen into this erthe
and haue wondre in here hertys · that men beth so trewe
Alle that beren bazelard · brode swerde or launce
axe other hachet · or eny wepne elles ·
schall be demyd to the deeth · but he do yt smythye
ynto sykel or sythe · to schare or to cultur ·
Conflabunt gladios suos · in vomeres · &cetera ·
Eche man to pleye wyth a plouwh · pykoyse or spade
spynne or sprede donge · or spylle hym-selfe wyth slowthe
Preestes and parsouns · wyth placebo to hunte ·
and dynge vpon dauid · eche daye tyl eue ·
Huntynge or haukynge · ȝif eny of hem yt vse
his boste of his benefys · woll be bynomyn hym aftyr
schall neuere kynge nor knygth · constable ne meyre
ouerlede the comune · ne the courte somne
ne putten hem in panel · to done hem plygth here trewthe
but after the dede that ys done · oo dome schall rewarde
mercy or no mercy · as trewthe woll accorde
kynges courte and comune courte concystorye and chap....itle
al schall be butte oo courte · and oo baroun iustyce
than worth trewe tonge a tydy man · that tenyd me neuere
batayles schull none ben · ne noman bere wepne
and what þat smythieth eny · be smyten ther-wyth to dethe
Non leuabit gens contra gentem gladium · &cetera
fol. 125vI
And ere this fortune falle · fynde men schal the wurste
by syxe sonnes and a schyppe · and halfe a schefe of Arwes
and the myddel of a moone · schall make the iewes to turne
and sarsyns for that sygth · schull synge gloria in excelsis
for makameet and mede · myshappe schull that tyme
For melius est bonum nomen quam diuicie multe · &cetera
Als wroth as the wynde · wexe mede in a while
y kan no latyn quod sche · clerkes wytyn the sothe
see what salamon seyth · in sapyence bokes
they that ȝyuyn ȝiftes · the vyctory wynneth
and moste wurschipe haue þerwyth · as holy wrytte telleth
honorem adquiret qui dat munera & cetera ·
I leue wel lady quod conscience · that thy latyn be trewe
ac thu arte a lady · that radde a lessoun ones
was omnia probate · and that plesyd here herte
For that lyne was no lengour · atte the leues ende
hadde sche loked that othur halfe and the leef turnyd
sche schulde haue founde fele woordes · folowynge aftyr ·
Quod bonum est tenete · trewthe that texte made
And so ferde ȝe madame · ȝe couthe nomore fynde
tho ȝe loked on sapience · syttynge in ȝoure studye ·
this texte that ȝe haue tolde · were good for lordes
Ac ...ȝe faylede a kunnynge clerke that couthe the lefe haue turnyde
and ȝif ȝe sechyn sapyence efte · fynde ȝe schall that foloweth
a fultenefulful teneful texte · to hem that taketh mede ·
That is animam autem aufert accipiencium · &cetera
and that is the tayle of the texte · of that scheHm.3.357: Perhaps since Bx provided only the unfortunate þat þat where something like þat teme is required (see Kane's and Donaldson's introduction, p. 201), the scribe of Hm, thinking the doubling was wrong, omitted the second þat. schewed ·
that thowe we wynne wurschipe · and wyth mede haue victorye ·
the sowle that the soude taketh · by so muche ys bounde ·