fol. 200r (cont.)I
Passus · ijussecundus · & vltimus de do-best ·
Thanne as y wente by the weye · whan y was þus awaked
heuy-cherid y ȝede . and elenge yn herte ·
y ne wyste where to ete · ne at what place ·
and it neiȝed ner þe noon · and wyþ nede y mette
þat affrountyd me fowle · and faytour me callyd
Canst thu nougth excuse þe · as dude þe kyng and oþere ·
þat thu took to þy bileeue · to cloþes and to sustynaunce
fol. 200vI
and by techynge and by telletell[yng]e . of spiritus temperancie
and thu nome nomore · þan nede þe taugthe
and nede ne haþ no lawe · ne neuer schall falle yn dette
for þre þynges he takeþ · his lyf forto saue ·
that is mete whan men hym werneþ · and he no money weldeþ
ne wygth none woll ben his borwh · ne wed ha.þ none to legge
and he caugth yn þat · and com þerto by sleyhte ·
he synneþ nougth soiþlyche · that so wynneþ his foed ·
and þowh he come so to a cloiþ · and can no better cheuysaunce
nede anon rygth · nymeþ hym vnder maynpryse ·
& ...?...ȝeueþHm.20.18: Hm alone reads ȝeueþ, which is over an erasure, against if in most other B manuscripts. Note, however, that BmBo read gif, with g added in Bm, and Cot reads gyue. Note too that ȝeueþ is the reading of the P family in C. hym l....eueHm.20.18: HmCot alone read leue, which is over an erasure in Hm, against lyst in most other B manuscripts. The word is followed in Hm by a dividing slash, indicating that the original reading was shorter than 4 characters, possibly like BmBo's lif. forto lape · þe lawe of kynde wolde
that ..he dronke at eche · ar he for þurst deyede ·
so nede at gret nede · mayy nyymen as for his owen
wyþ-owte counseyll of conscyence · or cardynal vertues
so þat he s.uwe and saue spiritus temperancie
for is no vertu byferby fer · to spiritus temperancie
neyþer spiritus iusticie · ne spiritus fortitudinis ·
for spiritus fortitudinis · forfeteþ full ofte
he schall do more þan mesure · ofte and many tyme
and bete men ouer bytterly · and summe of hem to lytell
and greue men gretly · more þan good feiþ wolde ·
And spiritus iusticie · schall iugen woll hye nylle he ·
after þe kynges counseyl · and þe comune lyke ·
And spiritus prudencie · yn manye a poynt schal fa.yle
of þat he weneþ wolde falle · ȝif his wytt ne were ·
wenynge is no wysdom · ne wys ymagynacyoun ·
homo proponit & deus disponit · and gouerneþ alle gode vertues
ac nede is next hym · for anoon he mekeþ
and is as lowȝ as a lombe · for lackyng of þat hym nedeþ
wyse men forsook wele · for þey wolde be nedy
and wonedyn yn wyldernesse · and woldyn nougth be ryche
And god al his grete ioyȝe · gostly he lefte ·
and cam and took mankynde . and bycam nedy
so nedy he was as seyþ þe book · yn many sondry places
þat he seyde yn his sorwe · on þe selue rode ·
boþe fox and fowl · may flee to hole and crepe
and þe fysch haþ fyn · to flete wyþ to reste
þere nede haþ y-nome me · þat y moot nede abyde
and suffre sorwes full sore · þat schal to ioyȝe turne
forþy be nougth abaschid · to byde and to be nedy ·
fol. 201rI
syþ he that wrougth all þe world · was wylfully nedy
ne neuer non so nedy · ne ...?...pore deyde ·
Whan nede hadde vndernome me thus · anon y fel a-slepe
and mette full merueylously · yn a mannys forme ·
antecryst cam thanne · and all þe crop of trewþe
turnyd it vp-sodoun · and ouertylt the rote
and fals sprynge and sprede · and spede mennys nedys
yn eche contre þere he cam · he cutte awey trewþe ·
and gart gyle growe · þere · as he a god wereHm.20.56-61: Reacting to a stain, hand3 has retouched some letters on these lines.
Freres folwyd þat fend for he gaf hem copes
and religiouusHm.20.58: Kane and Donaldson read religiouns, thus creating a unique reading. However, the scribe infrequently wrote <uu> where a single graphie would be expected; e. g. Hm.14.218 rybauud and Hm.3.295 leauute. The forms of <u> and <n> are indistinguishable. reuerencid hyym and rongyn here belles
and alle þe couent forþ cam to welcome that tyraunt
and alle hise as well as hym · saue only foles
whiche foles weren wel leuer · to deye þan to lyue
lenger · syþ le...wteHm.20.62: The original reading was probably lenten, clearly an error, though in all beta manuscripts except Cr. Alpha and Cx read lewte. was so rebukyd ·
and a fals fend antycryst · ouer alle folk regnyd ·
and þat were mylde men and holy · þat no myscheef dredde
deffyedyn alle falsnesse and folk that it vsed
and what kyng þat hem conforted · knowyng hem eny while ·
þey cursid and her counseyl · were it to clerk or lewyd ·
Antecryst hadde þus sone · hundredes at his baner
and pryde it bar vp ful hiȝe . boldly abowte
wyþ a lord þat lyueþ · after lykynge of body ·
þat cam aȝen conscience · þat keper was and gyour
ouer kynde crystene and cardynal vertues
I counseyle quod conscience þoo · comeþ wyþ me ȝe foles
ynto vnyte holycherche · and holde we vs there ·
and crye we to kynde · þat he come and deffende vs
foles fro þe fendes lymes · for peris loue þe ploughman
and crye we to alle þe comune · þat þey come to vnyte
and þere abyde and bykere . aȝenst belyals childryn ·
kynde conscience þo herde · and cam owt of þe planetes
and sent forþ his forreyoures · feueres and fluxes
kouȝghes and cardyacles . crampes and tooþ ache
remes and redgoundes · and roynous scalles
byles and bocches · and brennyng agues
frensyes and fowle eueles · forageres of kynde
hadde y-prayed and y-pryked · polles of peple ·
þat largelyche a legioun · losten her lyf sone ·
There was harrow and help · here comeþ kynde ·
fol. 201vI
wyþ deþ þat is dredful · to vndon vs alle
The lord þat lyued after lust · tot[h]o a-loud cryed
after confort a knygth · to come and bere his baner
Alarme alarme · quod that lord · eche a lyf kepe his owen ·
And þanne mette þese men · er menstrals myghten pype
and heraudys of armes · hadden descryued lordes ·
Elde þe hore · he was yn the vaumwarde
and bar þe baner byfore deþ · by rygth ...?...he it cleymed
kynde cam after · wyþ many kene sores
as pokkes and pestylences · and moche peple schente
so kynde þurgh corrupciouns · kylled ful manye
Deþ cam dryuynge after · and all to dust paisched ·
kynges and knyghtes · kayseres and popes ·
lered ne lewyd · he leet noman stande ·
that he h....itte euene · ...?...?...sturidde neuer after ·
manye a louely lady · and lemmanes of knyghtes ·
swowned and swelted · for sorowe of deþes dyntys ·
Conscyence of his curtasye · to kynde he besougthe
to cese and suffre · and se wherþerHm.20.106: Hm's original reading wher was correct. Cf. Hm.11.87 (KD.11.83), Hm.12.364 (KD.11.189), Hm.12.577 (KD.12.270), Hm.12.599 (KD.12.291). they wolde
leue pryde pryuely · and be parfyt crystene ·
And kynde cesid thoo · to see þe peple amende
fortune gan flatre þanne · þoo fewe þat weren on lyue
and b...?...yhiȝte hem long lyf · and lecchery he sente ·
amonges alle maner men · wedded and vnweddyd
and gadred a gret ost · all a-geyn conscyence
This lecchery leyde on · wyþ a Ianglyng chere
and wyþ pryue speche · and peyntid woordes
and armyd hem yn ydelnesse · and yn hie berynge
he bar a bowe yn his hand · and many brode arwes
weren feþered wyþ fayr beheste · and manye a fals trewþe
wyþ his vntydy tales · he tenyd full ofte ·
conscyence and his companye · of holy cherche þe techer
Thanne cam coueytise · and caste how he myghte
ouercome conscience · and cardynal vertues
and armed hym yn auaryce · and hongrylych lyuede
his wepne was all of w....yles · to wynnyn and to hidyn
wyþ glosynges and wyþ gabbynges · he bigiled þe peple
Symony hym soughte · to assayle conscyence
and preched to þe peple · and prelates þey hem madyn ·
to holden wyþ antecryst · her temperaltees to saue ·
fol. 202rI
and comen to þe kynges counseyl · as a kene baroun
and kneled to conscyence · in court aforen hem alle
and gart good feyþ flee · and fals to abyde ·
and boldlyche bar adoun · wyþ manye a brygth noble ·
moche of þe wytt and wysdom · of westmynster halle ·
he iuged to a Iustice · and iusted in his ere ·
and ouertylt al his trewþe · wyþ tak þis vp amendement
and ynto þe arches yn haste · he ȝede anon after ·
and turnyd cyuyle ynto symonye · and siþ took þe official ·
for a mantell of menyuer · he made lele matrymoigne
be departid or deþ cam · and deuors schapte
Alas quod conscyence and cryed þo · wold cryst of his grace ·
that coueytise were crystene · that is so kene a fyhtere ·
and bold and abidynge · while his bagge lasteþ
Thanne lough lyf · and leet dagge his cloþes
and armyd hym yn haste yn harlottes woordys ·
and held holynesse a iape · and hendenesse a wastour
and leet lenten a cherl · and lyȝer a freman ·
conscience and counseyl · he accountyd it a folye ·
Thus relyȝed lyf · for a lytel fortune ·
and pryked foorþ wyþ pryde · preyseþ he no vertu ·
and careþ nougth how kynde slowh · and schall come at þe laste
and kylle alle erþly creatures · saue conscyence one ·
lyf leep assyde · and laugth hym a lemman ·
hele and y quod he · and hiȝnesse of herte
schall do þe nougth drede · neyther deþ ne elde ·
and to forȝete sorowe · and ȝyue nouȝt of synne
This lyked lyf · and his lemman fortune ·
and getyn in her glorye · a gadelyng at þe laste ·
on that moche wo wroughte · slewþe was his name ·
slewþe wax wonder ȝerne · and swyþe was of age
and wedded on wanhope · a wenche of þe stewes
her syre was a sysour · that neuer swoor twrowþetrowþe
on thomme two tounge · a-teynt at eche a queste ·
This slewþe was war of werre · and a slynge made ·
and threw drede of dyspeyr · a dozeyn myle abowte
For care conscyence tho · cryed vppon elde ·
and bad hym fonde to fyghte · and affere wanhope ·
And elde hente goodhope · and hastylyche he schifte hym ·
and weyued awey wanhope · and wyþ lyf he faught
fol. 202vI
and lyf fleyȝ for fere to physyk · after help ·
and bisougth hym of socour · and of his salue hadde ·
and gaf hym gold good won · that gladed his herte
and þey geuyn hym · ageyn · a glasene howue ·
lyf leeuyd þat lechecraft · lette schulde elde ·
and dryuen awey deþ · wyþ dyas and dragesHm.20.173: The spelling is unique among B manuscripts. See MED, s. v. dragge n.(2) and drogge n. ·
And elde auntred hym on lyf · and at þe laste he hytte
a fysissien wyþ a furred hood · þat he fel yn a palsye
and þere dyed þat doctor · er thre dayes after
Now y se seyde lyf · that surgenry ne fesyk
may nougth amytea myte auayle · to medle aȝen eldeHm.20.178-183: A water stain over parts of these lines does not affect the legibility of the text.
and in hope of his hele · good herte he hi hente
and rode so to reuel · a ryche place and a merye
...the companye of confort · men clepid it sumtyme
and elde anon after me · and ouer myn hed ȝede ·
and made me balled bifore · and bare on þe crowne
so harde he ȝede ouer myn hed · it woll be sene euere
Sire euel ytaugth elde quod y · vnhende go wyþ þe
syþ whanne was þe wey · ouer mennys hedys ·
haddest thu ben hende quod y · thu woldest askyd[haue] askyd leue ·
ȝe leue lurdeyn quod · he and leyde on me wyþ age ·
and hitte me vnder þe ere · vnneþe may y here
he buffeted me abowt þe mowþ · and my teeþ owt beet
and gyued me yn gowtes · y may nougth go at large
and of þe wo þat y was ynne · my wyf hadde rewþe ·
and wuschid ful wytterly · þat y were yn heuene ·
for þe leme þat sche louyd me fore · and l...eef was to fele
on nyghtes namly · whan we naked were
y ne mygth yn no manere · maken it at her wylle ·
so elde and sche soþly · haddyn it forbetyn ·
And as y sat in þis sorowe · y sawh how kynde passed
and deþ drowȝ nyȝ me · for drede gan y quake
and cryed to kynde · owt of care thu me brynge
loo elde þe hore · hath me beseye
awreke me ȝif ȝowr wylle be · for y wolde ben hennys
ȝif thu wolt be wroken · wende ynto vnyte
and hold the þere euere · tyll y sende for þe
and loke thu konne sum craft · er thu come þennys
Conseyle me kynde quod y · what craft is best to lerne
Lerne to loue quod kynde · and leue of alle oþere
fol. 203rI
How schall y come to catel so · to cloþe me and fede
And thu loue lely quod he · lacke schall the neuere ·
mete ne worldly mede · while þy lyf lasteþ ·
And þere by counseyl of kynde · y comsid to rome ·
þurgh contricioun and confessioun · tyl i come to vnyte ·
and þere was conscyence constable · crystne to saue
and beseged soiþly · wyþ seuene grete gyauntes
þat wyþ anticryst heldyn · harde aȝen conscience ·
Slewþe wyþ his slynge · an hard sawt he made ·
prowd preestes comen wyþ hym · mo than a thowsand ·
yn paltokes and pyked schoes · and pissers longe knyuesHm.20.218-223: A water stain over parts of these lines does not affect the legibility of the text.
comen aȝenst conscience · wyþ coueytyse þey heldyn
By mary quod a maensedHm.20.220: The scribe first wrote an <e> and then overwrote it with an <n> like the one usually appearing in Latin quotations. preest · of þe march of yrlond
y counte nomore conscience · by so y cacche syluer
than y do to drynke · a draugth of good ale
and so seydyn sixty · of the same contre ·
and schottyn aȝen wyþ schot · many schef of oþes
and brode hoked arwes · goddys herte and his nayles
and haddyn almost vnyte · and holynesse adoun ·
Conscyence cryed help clergye · or elles y falle
þurgh inparfit preestes · and prelates of holycherche
Freres herdyn hym crye · and comen hym to helpe
ac for þey cowde nougth well her crafte · conscyence forsoke hem ·
Nede neiȝghed tho ner · and conscyence he tolde ·
that þey come for coueytyse · to haue cure of sowlys
and for þey arn pouere · paraduenture for patrimoigne þey fayle ·
they wollen flatere and fare wel · folk that ben ryche
and siþen þey chosen chele · ...and chaytyf pouerte ·
late hem chewe as þey chose · and charge hem wyþ no cure
id est sepius
for lymerl[o]merHm.20.237: Lomer, "more often" <OE gelome. he lyeþ · þat lyflode moot begge
þan he þat labowreþ for lyflode · and leneþ it beggeres
and syþen freris forsoke · þe felicite of erþe
lat hem be as beggeres · or lyeueHm.20.240: The correcting scribe's changing the infinitive form lyue, "to live" to leue is mildly odd. Hand2 usually wrote "live" (both infintive and finite forms) with the lyue spelling, though in several instances (e. g., Hm.4.190, Hm.10.154, Hm.13.52, and Hm.14.51) the leue spelling was used. At Hm.17.26, Hm alone reads lyue against most manuscripts' leue. The form lyeue at Hm.5.307 was written out by hand2, but the same correction as here is made by hand3 at Hm.15.542 and Hm.15.565. by aungeles foed ·
Conscyence of þis counseyl þo · comsid forto lauhe
and curteysly conforted hym · and callyd alle freres
and seyde syres soiþly · welcome be ȝe alle ·
to vnyte and holycherche · ac on þyng y ȝow praye ·
holdeþ ȝow yn vnyte · and haueþ none enuye ·
to lered ne to lewyd · but lyueþ after ȝowr rewle ·
and y woll be ȝowr borwe · ȝe schull haue bred and cloþes ·
fol. 203vI
and oþer necessarijs ynowe · ..ȝow schalt no þynge fayle
wyþ that ȝe leue logyk · and lerneþ forto louye
for loue lafte þey lordschipe · boþe lond and scole
frere fraunces and dominik · forlouefor loue to be holy ·
And ȝif ȝe coueyten cure · kynde woll ȝow teche ·
þat yn mesure god made · alle maner thynges
and sette it at a certeyn · and at a syker noumbre ·
and nempnyd names newe · and noumbred þe sterrys
Qui numerat multitudinem stellarum & omnibus eis · & cetera
kynges and knyȝtes · that kepyn and deffendyn ·
han offyceres vnder hem · and eche of hem a certeyn
and ȝif þey wage men to werre · þey wryten hem yn noumbre
alle oþer in batayle · ben y-holde brybours
pylowres and pykeharneyses · yn eche a place y-cursid ·
wol no tresorer hem paye · trauayle þey neuere so soreHm.20.262: WB agree with Hm's line ordering; however, most B manuscripts supply this line, Hm.20.262, two lines earlier, after Hm.20.159. (The Kane and Donaldson numbering reflects this different ordering.) ·
Monkes and monyals · and alle men of relygioun
her ordre and her reule wole · to han a certeyn noumbre ·
of lewyd and of lered · þe lawe it woll and axeþ
a certeyn for a certayn · saue only of freres ·
forþy quod conscience by cryst · kynde wytt me telleþ
yt is wyckyd to wage ȝow · ȝe wexen owt of noumbre
heuene haþ euene noumbre · and helle is wyþ-owt noumbre ·
forþy y wolde wytterly · þat ȝe were yn þe registre ·
and ȝowr noumbre vnder notarye sygne · & neiþer mo ne lasse ·
Enuye herde þis · and heet freres go to scole ·
and lerne logyk and lawe · and eke contemplacioun
and preche men of plato · and preuyn it by seneca ·
that alle þynges vnder heuene · auȝten to be in comune ·
And ȝit he lyeþ as y leeue · þat to þe lewyd so precheþ
for god made to men a lawe and moyses it tauȝte ·
Non concupisces rem proximi tui · & cetera
And euyl is þis yholde · yn parisches of englond
for persouns and parisch prestes · þat schulde þe peple schryue
ben curatours callyd · to knowe and to hele
alle that ben her parischenys · penaunce to enIoyne ·
and schuldyn be a-schamyd · in her schryft · ac schame makeþ hem wende ·
and fleen to þe freres · as fals folk to westmynster
þat borweþ and bereþ it þyder · and thanne byddeþ frendys
ȝerne of forȝyuenesse · or lenger ȝeres lone
Ac while he is in westmynstre · he woll be bifore
fol. 204rI
and make hym merye · wyþ oþer mennys goodes
and so it fareþ by moche folk · þat to þe freres schryueþ
as sysours and executours · they woll ȝyue þe freres
a parcel to praye for hem · and make hem-sylf merye ·
wyþ þe residue and þe remenaunt · þat oþer men byswonge
and suffren þe dede in dette · to þe day of dome
Enuye herfore · hated conscyence ·
and freres to philosophie · he fond hem to scole
þe while coueytise and vnkyndenesse · conscyence assaylid
in vnyte holycherche · conscience held hym
and made pes porter · to pynne þe ȝates ·
of alle tale tellers · and tyterers yn ydel ·
ypocrisie and he · an hard sawt þey maden ·
ypocrisie at þe ȝate · harde gan fyghte ·
and wounded wel wyckydly · manye wyse techers
þat wyþ conscyence accorded · and cardynal vertues
Conscience callyd a leche · that cowde wel schryue
go salue þo that syke ben · and þurgh synne y-wounded
Schrift schoop scharp salue · and made hem do penaunce
for her mysdedes · þat they wrougth haddyn ·
and þat peris were payed · redde quod debes
Somme lykeden nougth þis leche · and lettres þey sente ·
ȝif eny surgyen were þe segge · þat softer cowd plastre
sire lyf to lyue in lecchery · lay there and gronyd ·
for fastyng of a fryday · he ferde as he wold deye
Ther is a surgien in þis segge · þat softe can handle
and more of fysyk by fer · and fayrer he plastreþ ·
on frere flaterer · ys fysissien and surgyen ·
· c ·
Quod contricioun to conscyence · do hym to come to vnyte
for here is manye a man hurt · þurgthHm.20.317: Hand2's usual form is þurgh but he had in one case written þurgth (Hm.12.341). ypocrisie
We han non nede quod conscyence · y wot no better leche
þan parsoun or parisch preest · pentauncer or buschop ·
saue peris þe ploughman · þat haþ power ouer hem alle ·
and yndulgence may do · but ȝif dette loette it ·
y may wel suffre quod conscience · siþ ȝe desyryn
þat frere flaterer be fet · and fysyk ȝow syeke
The frere her-of herde · and hiȝed faste
to a lord for a lettre · leue to haue ......trescure · Hm.20.325: Ultraviolet light shows, faintly, letters that may be tres, the scribe having written prematurely the last word of the following line.
as a curatour he were · and cam wyþ his lettres
baldly to þe buschop · and his brief hadde
fol. 204vI
in contrees .......þer he cam ynne · confessiouns to here
and cam þere conscyence was · and knokkyd at þe ȝate
Pes vnpynnyd it · was porter of vnyte
and in haste askede · what his wylle were ·
In feiþ quod þis frere · for profit and for helþe ·
carpe y wolde wyþ contricioun · and þerfore cam y hider
He is syk seyde pes · and so arn many othere ·
ypocrisye haþ hurt hem · full hard it is ȝif þey keuere
I am a surgien quod the segge · and salues can make ·
conscience knoweþ me wel · and what y can do boþe
I praye þe quod pes þo · er thu passe ferþer
what h......attest thu y prayȝe þe · hele nougth þy name
Certes seyde his felawe · sire pen.etrans domos ·
Ȝee go þy gate quod pes · by god for al þy fysyk ·
but thu konne sum craft · thu comest nougth her-ynne ·
y knew such on ones · nougth · viij ·eiȝht wynter passed ·
com yn þus y-coped · at a court · þere y dwelte
and was my lordes leche · and my ladyes boþe ·
and at þe laste þis lymytour · þo my lord was owte
he salued so owr wommen · tyl summe weren wyþ childe ·
Hende speche heet pes · opne the ȝates
lat in þe frere and his felawe · and make hem fayr chere
he may see and here · so it may by-falle ·
þat lyf þurgh his lore · schall leue coueytise ·
and be a-drad of deþ · and wyþ-drawe hym fro pryde ·
and accorde wyþ conscience · and kesse her eiþer oþer ·
Thus þurgh hende speche · entryd þe frereHm.20.354: A modern hand in the right margin has written Here the .00 MS ends. British Library MS Additional 10574 (Bm) ends at this point. Bm is finished in Dr. Adam Clark's hand, possibly from Hm, and it is possible that he wrote this note since he owned both manuscripts. The number given here does not correspond to the shelf marks (102 for Bm, 129 for Hm) in his library for either manuscript.
and cam ynto conscience · and curteysly hym grette ·
Thu art welcome quod conscyence · canst þu hele þe syke · is contricioun quod conscyence · my cosyn y-woundyd
confort hym quod conscience · and tak kep to his sores
þe plastres of þe parsoun · and powdres byten soreHm.20.359: In W, to is written above the line. ·
he lat hem lygge ouerlonge · and loiþ is to chaung hem ·
fro lenten to lenten · he lat his plastres byte ·
That is to longe quod þis lymytour · y leeue y schal amende it ·
and goiþ and gropeþ contricioun · and gaf hym a plastre
of a priuey payment · and y schal praye for ȝow ·
for alle þat ȝe ben holdyn to · all my lyf-tyme ·
and make ȝow my lady · yn masse and yn matynes
as frere of owr fraternyte · for a lytel syluer
fol. 205rI
Thus he goþ and gadreþ · and gloseþ þere he schryueþ
tyl contricioun hadde clene forȝetyn · to crye and wepe
and wake for his wycked werkes · as he was wont to done
for confort of his confessour · conscyence he lafte
that is þe souereynest salue · for alkyn synnys
Slewþe sawh that · and so dede pryde ·
and comen wyþ a kene wyl · conscyence to assayle ·
Conscience cryed eft · and bad clergye helpe hym
and also contricioun · forto kepe the ȝate ·
He lyy.þ and dremeþ seyde pes · and so don manye oþere
þe frere wyþ his fysyk · this folk haþ enchaunted ·
and plastred hem so esyly · they drede no synne ·
By cryst quod conscyence þo · y woll bycome a pylgrym ·
and walkyn also wyde · as all þe world lasteþ
to seke peris the ploughman · that pryde may dystroye ·
and þat freres hadden a fyndyng · þat for nede flatren ·
and count...?...erpletyn me conscyence · now kynde me avenge ·
and sende me hap and hele · tyl y haue peris þe ploughman
and siþ he gradde after grace · tyl y gan a-wake ·
¶ Explicit visio Petri ploughman ·